سر هريسة الشطة البيتي اللي هتخلي كل أكلك نار في الطعم .. أقوى من المحلات
تعتبر هريسة الشطة من الأساسيات في كل مطبخ عربي، فهي تمنح الأطباق نكهة قوية ومميزة، وتُستخدم في التتبيلات، المشويات، والطواجن، وحتى في الساندويتشات. المميز فيها أنها سهلة التحضير بمكونات بسيطة ومتوفرة في أي بيت، وكمان تقدر تعملي كمية وتخزنيها لفترات طويلة من غير ما يتغير طعمها.
إقرأ ايضاً:قرار مفاجئ بإزالة 5 أحياء شهيرة في المدينة المنورة ضمن مشاريع تطوير كبرى ! اخلاء عاجل بدءا من موسم 1447هـ.. السعودية تلزم شركات العمرة بقرار جديد وعقوبات تنتظر المخالفين
لو بتدوري على وصفة سهلة وسريعة لهريسة شطة بيتية بطعم يفوق الجاهزة، اتبعي الطريقة دي خطوة بخطوة.
المكونات
- نصف كيلو فلفل أحمر حار
- 10 فصوص ثوم (مقطّعين)
- ملعقة كبيرة من الصلصة الجاهزة
- ملعقة كبيرة بابريكا
- ملعقة كبيرة كزبرة ناشفة
- ملعقة صغيرة ملح
- ملعقة كبيرة عصير ليمون
- ربع كوب زيت نباتي
- ملعقة كبيرة كمون مطحون
- ملعقة كبيرة خل أبيض
طريقة التحضير
- غسل وتجهيز الفلفل: اغسلي الفلفل الأحمر الحار كويس جدًا تحت الماء الجاري، ثم قطعيه لقطع صغيرة (يفضل لبس قفازات أثناء التقطيع).
- الخلط: ضعي الفلفل المقطع في الكبة أو محضّرة الطعام، وأضيفي الثوم، الكزبرة، الكمون، البابريكا، وافرميهم كويس لحد ما تحصلي على خليط ناعم ومتجانس.
- الطبخ: سخني ربع كوب الزيت في طاسة على نار متوسطة، وبعد ما يسخن الزيت، أضيفي خليط الفلفل والبهارات، ثم أضيفي ملعقة الصلصة والملح. قلبي المزيج باستمرار لمدة 10 دقائق لحد ما يغلي ويتقل قوامه.
- اللمسة الأخيرة: بعد رفع الخليط عن النار، ضيفي عصير الليمون والخل وقلبيهم كويس جدا.
- التخزين: اتركي الهريسة تبرد تماما قبل ما تحطيها في برطمانات نظيفة ومحكمة الغلق. احتفظي بكمية للاستخدام اليومي في الثلاجة (تدوم حوالي أسبوع). والباقي احفظيه في أكياس صغيرة بالفريزر، ويعيش معاكي شهور من غير ما يتغير طعمه.
نصائح لنجاح هريسة الشطة
- كل ما كان الفلفل طازج وجودته عالية، كل ما كانت النتيجة أحسن.
- استخدمي برطمانات زجاجية معقّمة لضمان التخزين السليم.
- لو بتحبي طعم مدخن، ممكن تشوي الفلفل الأول قبل فرمه.
هريسة الشطة البيتي مش بس أوفر من الجاهزة، كمان طعمها أروع وأنضف وأضمن، وبتخلي أي أكلة عادية تتحول لتحفة جربيها بنفسك، وهتلاقي إنك مش هتستغني عنها في مطبخك.
اقرأ ايضاً